დღევანდელ ტრენინგზე გავეცანი თუ რა არის ფასილიტაცია და როგორი ფორმით უნდა გავუწიო მოსწავლეებს ფასილიტაცია , მივაწოდო სქემები, ცხრილები, ფოტოები, შაბლონების ფორმით და მათ დაბრკოლების გარეშე შეავსონ ცხრილები მოძიებული ინფორმაციით. ჩემი ფასილიტაციით ისინი კონცენტრირებულები იქნებიან სამუშაო პროცესზე და არა სქემებისა და ცხრილების დამზადებაზე.

ინტერვიუ

ინტერვიუ https://drive.google.com/file/d/0B01rFVim8aqxdDB1MUFjU0FLYnc/view?usp=sharing

 ტრენინგებზე  გავეცანი მოსწავლის სავარაუდო ნაშრომებს. ეს ნიმუშები დამეხმარება მოსწავლეებს მივცე მიმართულებები, თუ როგორ აწარმოონ ჟურნალი, ჩანაწერები და დაკვირვების დღიურები. ამ ნამუშევრებით შევძლებ დავინახო მოსწავლის მუშაობის პროცესი და შევაფასო. ასევე ტრენინგზე ვიმუშავე მოსწავლი ნაშრომების შეფასების ინსტრუმენტებზე. ვფიქრობ, სასწავლო პროცესის პროგრესისათვის აუცილებელია მრავალფეროვანი შეფასების ინსტრუმენტი, რომელიც შემდგომში დამანახებს რამდენად ეფექტური გზებით იქნება შესაძლებელი მოსწავლის დროული შეფასება და უკუკავშირის მიცემა. 

დღევანდელ ტრენინგზე საფუძვლიანად გავიაზრე უკუკავშირის მიმცემი რჩევები და მეთოდები, რაც დამეხმარება მოსწავლეებთან პროექტის ირგვლივ მივიღო საჭირო ინფორმაცია და დავგეგმო თემის შემდგომი აქტივობები. უკუკავშირი უნდა იყოს კონკრეტული და არა ზოგადი, ასევე არწერითი, რომ დავანახო მოსწავლეს, თუ რა უნდა დახვეწოს ნამუშევარში.
დღევანდელ ტრენინგზე გავეცანი საავტორო უფლებებისა და მასალების ლეგიტიმური გამოყენების კანონებს, რა დროს ვრცელდება საავტორო უფლებები. ოთხ კითხვაზე პასუხის გაცემა იმის განსაზღვრაში,  შეესაბამება თუ არა საავტორო უფლებით დაცული ნაშრომის გამოყენება ,,ლეგიტიმაციური გამოყენების " პრინციპებს.

დღევანდელი პროექტის ფარგლებში შევისწავლე შეფასების სხვადასხვა მეთოდები, რაც დამეხმარება პროექტის დასაწყისში, განმავლობაში და დასასრულს შევარჩიო საჭირო მეთოდები და ინსტრუმენტები. განვსაზღვრავ შეფასებას მოსწავლეთა საჭიროებების დასადგენად და პროექტის მსვლელობისას მივცემ სწორ მითითებებს.

დღევანდელი ტრენინგის მიხედვით სტანდარტებზე დაყრდნობით შევიმუშავებ პროექტის შესაბამისს მიზნებს. შევისწავლე მიმართულების მიმცემი კითხვები, რომლის დახმარებით განვსაზღვრავ ზოგად, თემატურ და შინაარსობრივ კითხვებს, რაც დამეხმარება სწორი მიმართულებით წავიყვანო პროექტი. დავადგინო მოსწავლეთა წინარე ცოდნა, ასევე დავანახო საგანთა შორის კავშირები. 

დღევანდელ ტრენინგზე გავიაზრე პროექტის მზადების წინა ეტაპები, რაც დამეხმარება პროექტის მომზადებაში. ასევე შევისწავლე, თუ  რა არის პუბლიკაცია და როგორ უნდა დავამზადო იგი. პუბლიკაცია დამეხმარება დავანახო მშობლებს პროექტის მნიშვნელობა და საჭიროება მოსწავლეებში. 

დღევანდელი ტრენინგიდან დავინახე პროექტის არსი და  მისი საჭიროება 21-საუკუნის ბავშვებისთვის.  მათ განუვითარდებათ მაღალი სააზროვნო უნარები. დაინახავენ ცხოვრებისეულ პრობლემებსა და მათი გადაჭრის გზებს.. გაეზრდებათ მოტივაცია. ჩემსა და ბავშვებს შორის გაიზრდება კომუნიკაციის უნარები.